Azərbaycan Respublikasının aşağıdakı dövlətlərlə ikitərəfli Azad Ticarət Sazişləri mövcuddur:

• Rusiya Federasiyası
• Gürcüstan
• Qazaxıstan Respublikası
• Ukrayna
• Belarus Respublikası
• Özbəkistan Respublikası
• Türkmənistan
• Qırğız Respublikası
• Moldova Respublikası
• Tacikistan Respublikası

Bundan əlavə, GUAM iştirakçısı olan dövlətlər (Gürcüstan, Ukrayna, Azərbaycan və Moldova) arasında çoxtərəfli Azad Ticarət Sazişi mövcuddur.

Azad Ticarət Sazişlərinin əsas üstünlükləri aşağıdakılardır:

• Sazişin bir tərəfinin gömrük ərazisinə aid olan və digər tərəfin gömrük ərazisi üçün nəzərdə tutulmuş malların ixrac və idxalı üçün gömrük rüsumlarının və ona ekvivalent ödənişlərin olmaması;
• Kvota və digər kəmiyyət məhdudiyyətlərinin tətbiqindən yayınmaq haqqında tərəflərin öhdəlikləri;
• Ayrıseçkilik əleyhinə olan milli rejim və ən əlverişli ölkə rejiminin tətbiqini nəzərdə tutan qaydalar;
• Tranzitin azad şəkildə həyata keçirilməsi;
• Malların mənşəyinin müəyyən edilməsi üzrə xüsusi qaydaların mövcud olması.